Faza parasezonale e Manchester City-t nis me këmbën e gabuar.
Skuadra kampione e Premier League-s, aktualisht e angazhuar në një turne në Shtetet e Bashkuara, gjatë natës luajti miqësoren e parë amerikane kundër Celtic, duke pësuar humbje 3-4.
Sigurisht që këto janë teste të një rëndësie relative, por ajo që ishte veçanërisht befasuese në kuptimin negativ ka të bëjë me numrin e madh të golave të pësuar nga “Cityzens”.
Kampionët e Anglisë, në fakt, nuk kishin pësuar 4 gola – në ndeshje zyrtare apo miqësore – që nga 27 shtatori 2020: në këtë datë janë mposhtur 2-5 në Premier League nga Leicester City. Prandaj nevojitet urgjentisht një ndryshim i menjëhershëm.
