Trajneri i Comos, Cesc Fabregas, pas fitores miqësore ndaj Cagliarit, ka folur për tema të ndryshme, duke u ndalur edhe te tema që ka të bëjë me merkaton, duke nisur nga negociata që duhet të sjellë Rafael Varane në Lombardi:
“Kur të vijë koha e duhur, do të ketë një komunikim, le të shpresojmë që të arrijë së shpejti sepse për tri javë do të luajmë ndeshjen e parë zyrtare dhe do të doja një ekip sa më të kompletuar”.
A do të vijë Audero për portën?
Mund të ndodhë, për sa kohë që nuk ka siguri, gjithçka mund të ndodhë.
Si ju duket Andrea Belotti?
Ai po bën një punë të shkëlqyer, për mua sulmuesi është mbrojtësi i parë. Ai duhet të vrapojë si kafshë, kjo është e panegociueshme. Erdhi goli i parë, por duhet të jetë i qetë dhe të sjellë gola të tjerë, lidership në këtë ekip. Jam i bindur se do të bëjë shumë mirë.
Çfarë mendoni për Dossenën?
E pashë shumë mirë, duhet të përshtatet. Ne bëjmë diçka ndryshe për sa i përket markimit Duhet të mësohet të luajë nga thellësia dhe të japë avantazhin e parë. Mendoj ai do të bëhet një lojtar i madh.
