Ish-ylli i Udineses dhe Flamengos, Arthur Antunes Coimbra i njohur si Zico, është viktimë e një vjedhjeje në Paris, ku kishte gjëra me vlerë prej 500 mijë eurosh.
Siç raporton gazeta franceze “Le Parisien”, Zico, i ftuar në Paris nga delegacioni brazilian në Lojërat Olimpike, e kishte vendosur në bagazhin e një taksie çantën me një Rolex, diamante të shumta dhe 4 mijë euro.
Taksisti ishte shpërqendruar nga një person, ndërsa një tjetër shfrytëzoi rastin për të vjedhur çantën.
Raportohet se kishte material me vlerën e gjysmë milioni eurove.
