Sipas Todofichajes, Manchester City i ka kërkuar Barcelona-s të paguajë 30 milionë euro për Joao Cancelo.
Lojtari portugez e kaloi sezonin 2023-24 si huazim te katalanasit dhe ka dëshirë të kthehet.
Hansi Flick ka filluar aventurën e tij në klubin katalanas dhe nënshkrimi i Nico Williams është aktualisht prioriteti numër një i klubit dhe ata do të fokusohen te Cancelo pas kësaj.
Cancelo ishte një lojtar kyç për skuadrën e La Liga-s sezonin e kaluar. Ai shënoi katër gola dhe dha pesë asiste në 42 ndeshje në të gjitha kompeticionet.
30-vjeçari deri më tani ka bërë 154 paraqitje për Cityn, duke shënuar nëntë gola dhe duke dhënë 21 asiste.
Cancelo mund të luajë në të dyja krahët e mbrojtjes dhe mund të operojë edhe më lart në fushë.
