Atletico Madrid ka forcuar mbrojtjen duke afruar me qendërmbrojtësin e Real Sociedad, Robin Le Normand.
Lajmi është bërë i ditur të shtunën nga të dy klubet e La Liga.
Ndërsa detajet financiare të marrëveshjes nuk janë zbuluar zyrtarisht, sipas mediave spanjolle, transferimi pritet të jetë rreth 30 milionë euro plus shtesa të tjera. Kohëzgjatja e kontratës nuk është bërë e ditur.
"Atletico dhe Sociedad kanë arritur një marrëveshje për transferimin e Le Normand. Marrëveshja do të finalizohet në ditët në vijim kur lojtari të kthehet nga pushimet e tij", ka theksuar Atletico Madrid në një deklaratë për shtyp:
Njëzet e shtatë vjeçari ishte pjesë e ekipit fitues të Spanjës në Kampionatin Evropian të mbajtur këtë vit në Gjermani.
