Flamurtari prej disa ditësh ka qëndruar në Pogradec, ku ka zhvilluar edhe fazën përgatitore për sezonin e ri.
Vlonjatët krahas stërvitjeve kanë bërë edhe disa afrime mjaft cilësore në mënyrë që ekipi të sigurojë ngjitjen në Superiore.
Ditën e djeshme skuadra ka mbyllur me sukses fazën e parë të përgatitjeve, teksa ditën e sotme do të zbresë në fushë për të zhvilluar një ndeshje miqësore. Kuqezinjtë do të sfidohen me Vorën, ku do t’i ketë kundërshtar direkt për ngjitjen në Superiore.
Ekipet do të përplasin “brirët” mes tyre në orën 17:30 në stadiumin “Devolli” dhe kjo përballje do t’i shërbejë Andrea Agostinelit për të parë edhe gjendjen e lojtarëve dhe formën e tyre gjatë përgatitjeve.
"Mbyllet me sukses stërvitja e pjesës së parë të fazës përgëtitore në Pogradec. Ekipi do të kthehet në Vlorë pas miqësores me Vorën”, ka shkruar klubi
