Trajneri i Manchester United, Erik ten Hag, ka rrëfyer se skuadra e tij duhet të sulmojë më shumë për të qenë një ekip më kompetitiv sezonin e ri. “Djajtë e kuq” kanë bërë dy nënshkrime të verës tashmë, me Joshua Zirkzee dhe Leny Yoro, por trajneri holandez dëshiron më shumë afrime, në mënyrë që ata të përmirësojnë qëndrueshmërinë e tyre.
“Unë dua që skuadra të jetë sa më e fortë.
Ne kemi bërë tashmë dy blerje shumë të mira, kështu që, kur të gjithë janë në formë, ne kemi një skuadër që mund t’i mposhtë të gjithë rivalët”, u shpreh Erik ten Hag.
“Por skuadra duhet të punojë për të sulmuar më shumë, për të shkuar sa më thellë në zonën e kundërshtarit.
Ky sezon do të jetë mbijetesa e më të fortit“, u shpreh më tej trajneri holandez i Manchester United.
“Ne dëshmuam se mund të mposhtim ekipin më të mirë. Jo vetëm një herë, e bëmë dy herë.
Por edhe ndeshjet e tjera ishin gjithashtu shumë afër. Sfida jonë është ta bëjmë atë vazhdimisht, kjo është ajo për të cilën duhet të punojmë”, tha Ten Hag.
