Debutuesi i elitës së futbollit të Kosovës, Suhareka, ka fituar miqësoren në Ohër, ndaj Voska Sport, anëtar i Kampionatit të Maqedonisë së Veriut.
Futbollisti Ajdin Nukiç shënoi pas asistimit të Jakup Berishës.
“Kryetrajneri Duro u ndje i kënaqur ku edhe pati rastin të i inkuadroi të gjithë futbollistët ku tashmë shihen të përgatitur maksimalisht pas dy fazave përgatitore e të hënën mbyllim fazën përgatitore në Strugë për t’u rikthyer stërvitjeve tona në
Suharekë për të qenë të gatshëm në fillimin e edicionit të ri në Superligën e Kosovës”, njofton FC Suhareka.
“Voska Sport ka zhvilluar edhe ndeshjen e pestë kontrolluese në kuadër të fazës përgatitore për sezonin e ri në Ligën e Parë të futbollit të Maqedonisë së Veriut.
Në ndeshjen e sotme të luajtur në Ohër, kishim përballë skuadrën e Suharekës nga Kosova, e cila sfidë u mbyll me rezultat 0:1 në favor të mysafirëve.
Ekipi jonë ndeshjen e radhës kontrolluese do ta luaj ndaj KF Arsimit me 31 korrik.
Gjatë kësaj faze, Voska zhvilloi takime testuese ndaj Pelisterit, Novacit, Elbasanit dhe Ohridit”, shkruan në faqen e FC Voska Sport.
