Alen Sherri u transferua nga Superiorja në Serie A, duke bërë kështu hapin e madh në karrierën e tij. Portieri kampion do të vazhdojë karrierën e tij te Cagliari, me italianët që e transferuar për të qenë zëvendësuesi i Simone Scuffet.
Por siç duket fati i buzëqesh Sherrit, pasi sipas "Sky Sport" bëhet me dije se Milan tashmë ka nisur bisedimet me Cagliarin për Scuffet.
Ky i fundit shikohet nga drejtuesit e kuqezinjve si lojtari ideal për t’i besuar çelësat e portës për sezonin e ri, pasi Marco Sportiello ka pësuar një dëmtim.
Dëmtimi i portierit të Milan është më serioz seç duket dhe kështu drejtuesit duan që Scuffet të vihet nën urdhrat e Paulo Fonseca. Konkretizimi i këtij operaciioni do të ishte “qershia mbi tortë” për Sherrin, i cili te Cagliari do të merrte kështu vendin e titullarit. Mbetet të shihet se çfarë do të ndodhë në ditët e ardhshme, por e sigurtë është që Aleni ka nisur të “kryqëzojë” gishtat për këtë transferim.
