Ballkani e Drita i luajnë sot ndeshjet kthyese në Ligën e Konferencës
Dy skuadrat tona, Ballkani e Drita do të zbresin sot në fushë për të zhvilluar ndeshjet e kthimit të rrethit të dytë të Ligës së Konferencës.
Drita e cila luan sot si vendase do të përballet me islandezët e Breidalbik në stadiumin Zahir Pajaziti në Podujevë.
Të kaltrit nga Gjilani hyjnë me epërsi sot, pasi ndeshjen e para një jave e kishin fituar si mysafirë me rezultatin 1:2.
Drita kërkon të mos humbas sot dhe të sigurojë kalimin në rrethin tjetër të garave.
Kjo ndeshje mes Dritës e Breidalbik zhvillohet nga ora 17:00.
Tre orë më vonë në fushë zbret edhe kampioni në fuqi i Kosovës, Ballkani që luan në udhëtim në Maltë.
Të besuarit e Ilir Dajës përballë kanë kampionin e Maltës, Hamrun Spartans ku kërkojnë fitore për të kaluar tutje.
Në ndeshjen e parë të zhvilluar në Podujevë dy skuadrat kishin barazuar 0:0.
