Granit Xhaka po përjeton një rini të dytë me fanellën e Bayer Leverkusenit, aty ku Xabi Alonso “i ka dorëzuar çelësat e regjisë” dhe 31-vjeçari me shokë ia dolën të fitojnë dy trofe, titullin kampion për herë të parë në histori dhe Kupën e Gjermanisë.
Lidershipi i Xhakës në dhomat e zhveshjes është i padiskutueshëm dhe këtë herë mesfushori me origjinë shqiptare po provon të bindë edhe mbrojtësin Jonathan Tah që të mos largohet nga Leverkuseni me destinacion Bayernin e Mynihut.
Lojërat Olimpike/ Vendi i pestë për notarin shqiptar, surprizën e bën ai i Kosovës
“Bayerni është një klub shumë i madh dhe është normale që të kërkojë një lojtar të madh si Jonathan Tah.
Natyrisht është e vështirë që të refuzosh Bayernin, por ne kemi shumë nevojë për Tah. Shpresojmë që ai të mendohet mirë, pasi Leverkusen tani është një tjetër skuadër, kampione në fuqi dhe me objektiva shumë më madhorë”, u shpreh Xhaka.
