Përforcim në mesfushë për Borussian e Dortmundit.
Nënkampionët e Europës kanë zyrtarizuar afrimin e Pascal Gross nga anglezët e Brightonit.
33-vjeçari, i cili vitin e kaluar debutoi me kombëtaren e Gjermanisë, është afrimi i tretë për verdhezinjtë. Që më parë kanë siguruar shërbimet e mbrojtësit Anton dhe sulmuesit Guirassy.
7 sezone kaloi Gross te “Pulëbardhat”, duke zhvilluar në total 228 ndeshje me Brightonin, ndërkohë që ka firmosur për 2 vite me Dortmundin.
“Jam i lumtur që do të luaj me Borussian e Dortmundit. Nënshkrimi me këtë klub është një arritje e madhe për mua.
Sepse kam qenë tifoz i Dortmundit që kur isha fëmijë. Do të bëj maksimumin për të shpërblyer besimin e drejtuesve”, u shpreh mesfushori gjerman.
