Pas largimit të trajnerit gjerman Jurgen Klopp, ekipi i Liverpool ka nisur këtë verë një cikël të ri,
këtë herë nën drejtimin e holandezit Arne Slot.
Në fushë pritet një ekip i vendosur ndryshe, madje siç ka pranuar vetë Slot, me një sulmues pyke të vërtetë dhe me mjaft të rinj që pritet të debutojnë.
Trajneri holandez ka mbetur i kënaqur nga paraqitjet në miqësore, sidomos pas fitores 2-1 ndaj Arsenal, një rivali në Premier League. “Shumë të rinj bënë një paraqitje shumë mirë në mbrojtje, por në pjesën e dytë ne nuk mund të vazhdonim të bënim presing aq lart sa në pjesën e parë”, tha Slot.
“Të rinjtë tanë bënë mirë, por ne duhej të ndryshonim shumë lojtarë.
Ata kanë punuar shumë dhe kjo është e rëndësishme nëse duam të konkurrojmë kundër një skuadre që dominon topin, siç bëri Arsenali në pjesën e dytë. Ata bënë mire dhe kjo më jep shpresë për të ardhmen”, u shpreh holandezi.
