Ish-ylli i Real Madridit, James Rodriguez, ka dhënë mendimin e tij për fituesin e Topit të Artë të vitit 2024. Ai zgjodhi Dani Carvajal mbi Jude Bellingham dhe Vinicius Junior.
Rodriguez, i cili pati një Copa America mbresëlënëse për Kolumbinë këtë verë, beson se ish-shoku i tij i skuadrës Carvajal e meriton çmimin prestigjioz.
Ai theksoi kontributet vendimtare të mbrojtësit të krahut në fitoren e Real Madridit të La Liga dhe Champions League sezonin e kaluar dhe rolin e tij jetik në triumfin e Spanjës në Euro 2024.
Duke diskutuar për kandidatët për Topin e Artë, Rodriguez tha:
“Kush duhet ta fitojë Topin e Artë këtë vit? Carvajal, nëse është për tituj, luajti mirë”.
33-vjeçari shprehu mendimin e tij edhe për kandidatët e tjerë, përfshirë Bellingham dhe Vinicius, të cilët patën sezone solide me Real Madridin.
Ai përmendi në mënyrë specifike se paraqitja e dobët e Vinicius në Copa America ishte një faktor përse ai nuk zgjodhi brazilianin para Carvajal.
“Bellingham, nuk e di… Vinicius… Copa America”, shtoi ai.
Carvajal mund të jetë lënë disi në hije gjatë sezonit triumfues të Real Madridit. Por kontributet e tij për Spanjën ishin veçanërisht të dukshme, edhe pse ai humbi gjysmëfinalet e Euro 2024 kundër Francës për shkak skualifikimi.
Ndërkohë, Bellingham pati një sezon debutues të jashtëzakonshëm me Real Madridin, duke shënuar 23 gola dhe duke shtuar dy të tjerë me Anglinë në Euro 2024.
Vinicius, nga ana tjetër, shënoi 24 gola për skuadrën spanjolle sezonin e kaluar, duke përfshirë një gol vendimtar në finalen e Champions League. Por Brazili u eliminua në çerekfinale të Copa America.
