Dinamo vijon përgatitjet për startin e sezonit të ri të Superiores.
Blutë janë zhvendosur prej ditësh në Itali aty ku po zhvillojnë intensivisht fazën përgatitore. Seanca çdo ditë dhe ndeshje miqësore të shpeshta i kanë dhënë mundësinë stafit teknik të studiojnë më së miri lojtarët.
Në organikë ka patur ndryshime të mëdha me shumë afrime e po kaq largime. Me skuadrën kanë udhëtuar edhe lojtarë që ende s’janë zyrtarizuar të cilët janë në provë. Kingsley Michael ishte një prej tyre, por nigeriani nuk ia ka dalë të bind stafin teknik dhe është larguar nga grumbullimi.
Mesfushori 24-vjeçar nuk ka bindur për gjendjen e tij fizike dhe dëmtimet e shpeshta që e kanë shoqëruar gjatë gjithë karrierës së tij.
