Ekipi më i titullar në tokën gjermane po përfundon një pjesë të përgatitjes parasezonale në Korenë e Jugut.
Shefi i klubit, Jan-Kristian Dresen, paralajmëron konkurrencën dhe thekson se çdo klub duhet të japë kontributin e tij në marketingun e Bundesligës jashtë vendit.
Skuadra do të vazhdojë një pjesë të stërvitjeve të saj në kryeqytetin Seul, nën drejtimin e trajnerit Vinsent Kompani, do të marrë pjesë në disa takime marketingu dhe gjithashtu do të luajë miqësoret.
Menjëherë pasi klubi mbërriti në kryeqytetin korean, Dresen mbajti konferencën e tij për shtyp dhe theksoi edhe një herë nevojën që disa klube të Bundesligës të përdorin pjesë të përgatitjes së tyre parasezonale për qëllime marketingu:
“Sigurisht që është më e lehtë të përgatitesh për sezonin e ri në shtëpi. E kuptojmë se është rraskapitëse, por është pjesë e biznesit tonë”, tha Dresen.
