Trajneri i Real Madridit, Carlo Ancelotti, u ka kërkuar tifozëve që të jenë të durueshëm me Endrick.
Braziliani ka shkëlqyer në disa momente në fazën përgatitore.
Dhe Ancelotti, përpara përballjes me Chelsean në Charlotte, tha:
“Duhet të jemi të durueshëm me të, ai ka treguar cilësi dhe talent të madh. Ashtu si me Guler vitin e kaluar, ne nuk duam të ushtrojmë presion mbi lojtarët e rinj.
“Ka shumë presion ndaj tij, ai është një lojtar që është i dashur në të gjithë botën, veçanërisht në Brazil, por ne duhet të jemi të durueshëm me këtë lloj lojtari. Sidomos me të rinjtë”.
Ai vazhdoi:
“Ndeshja kundër Chelseat duhet të jetë e ngjashme me El Clasico. Janë ndeshje para-sezonale, ne duhet të përmirësojmë aftësinë individuale të lojtarëve. Pas kësaj, ne do të kthehemi të gjithë së bashku për t’u përgatitur për ndeshjen e parë”.
