Skuadra shqiptare Deçiqi i Tuzit do të luajë nesër (18.00) ndaj Helsinkit nga Finlanda, në ndeshjen e parë të raundit të tretë të kualifikueseve për Conference League.
Futbollisti i kampionit të Malit të Zi, Bojan Matiç, tha se ndihet shumë më mirë dhe është gati për ndeshjen.
“Ekipi është gjithashtu gati, kemi punuar gjatë gjithë javës për t'u përgatitur për një ndeshje të vështirë, të ngjashme me atë si kundër Dinamo Batumi nga Gjeorgjia.
Jam i sigurt që ekipi është gati dhe do të shkojmë atje që të japim më të mirën tonë”, ka thënë Matiç.
