E ardhmja e Victor Osimhen është akoma e paqartë.
Sulmuesi nigerina pritet të largohet nga Napoli gjatë merkatos së verës, por akoma nuk është arritur një marrëveshje mes klubeve të interesuar dhe Napoli-t.
I pyetur nga Gazzetta dello Sport për bashkatdhetarin e tij, Samuel Chukwueze i befasoi të gjithë:
“Do të doja të mbyllja sytë, t’i rihapja dhe ta shihja këtu në Milano. Unë i them gjithmonë: ‘A je i sigurt që nuk dëshiron të vish?’. Dhe ai më thotë: ‘Samuel, ti e di që është e vështirë…’.
Pavarësisht dëshirës së Chukwueze, ka pak mundësi që operacioni të realizohet për shkak të kostove shumë të larta.
Napoli po përshpejton bisedimet me Chelsean, me synimin për të gjetur një marrëveshje ekonomike për të mbyllur blerjen e Romelu Lukakut.
Në të njëjtën kohë, Osimhen nuk stërvitet me Napoli-n dhe mbetet në pritje.
Napoli pret sulmin vendimtar nga Paris Saint-Germain apo Chelsea. Megjithatë, ëndrra e Chukwueze duket e destinuar të mbetet e tillë.
