Antonio Cassano, përmes “Viva el Futbol” në Twitch, foli rreth situatës së Federico Chiesa, sulmuesit të Juventusit, të cilin klubi bardhezi e nxori në shitje, pas dështimit për të rinovuar kontratën e tij në javët e fundit.
Kujtojmë se ka shumë interes për numrin 7 të Juventusit, si në Itali (Inter, Roma, Napoli) ashtu edhe jashtë saj, veçanërisht nga Premier League, por oferta e duhur për t’i bindur bardhezinjtë nuk ka ardhur ende.
“Ai (Allegri) e shkatërroi, e bëri sulmuesin e dytë për dy vite te Juventusi. Vetëm ai e pa si sulmues të dytë, askush tjetër. Një fatkeqësi, por Chiesa është i vetmi sulmues italian që driblon me sukses një kundër një, e ka golin në këmbë, ka shpejtësi. Ai është i vetmi lojtar i rrënuar nga xhindi, që u largua nga Juve”.
Ditët e fundit, trajneri Thiago Motta e ka shpjeguar kështu situatën e numrit 7: “Pas përjashtimit të tij nga miqësoret fshihen arsyet e merkatos. Kjo vlen si për atë, ashtu edhe për të tjerët që mbetën në Torino, përveç Fabio Miretti, i cili për momentin është i dëmtuar.
Ne ishim të qartë nga brenda, kemi folur me secilin prej tyre. Kemi lojtarë të fortë dhe të mirë, të cilët janë mësuar të luajnë vazhdimisht”.
