Fenerbahce i Jose Mourinhos nuk po heq dorë nga Sofyan Amrabat dhe po lufton me Galatasaray për mesfushorin e Fiorentinës.
Mesfushori maroken 27-vjeçar u kthye në Firence muajin e kaluar pas sezonit të tij në huazim te Manchester United, të cilët vendosën të mos aktivizojnë opsionin e blerjes, duke shpresuar në vend të kësaj të negociojnë një shumë më të ulët.
Manchester United nuk ka arritur një marrëveshje për Amrabat, i cili ka vetëm një vit të mbetur në kontratën e tij me Fiorentinën dhe nuk është pjesë e projektit të ri të Raffaele Palladino. Në javët e fundit, Fenerbahçe ka shfaqur interes serioz.
Gianluca Di Marzio detajon se si Fenerbahçe dhe Galatasaray po luftojnë për Amrabat, të dy klubet po përpiqen të bindin mesfushorin e Fiorentinës për një transferim. Asnjë nga ofertat e klubeve nuk është pranuar nga klubi i Firences.
Priten përditësime në javët e ardhshme ndërsa Fiorentina kërkon të shesë mesfushorin maroken 27-vjeçar para fundit të muajit, duke dëshiruar të sjellë një zëvendësues. Ata janë lidhur me një lëvizje për Weston McKennie të Juventusit.
