Tirana nuk do ta ketë të lehtë në Laç. Jo vetëm se përballë do të ketë një skuadër që gjithmonë në fushën e saj është shumë e fortë, por edhe pse në çdo ndeshje i hap probleme çdo lloj ekipi.
Në fakt, në sezonin e fundit, Tirana nuk ka mundur dot që të fitojë me Laçin në katër sfidat që ka luajtur.
Fitorja e fundit e Tiranës shënon në 21 maj 2023. Kampionatin e shkuar kurbinasit kanë fituar dy takime dhe kanë barazuar dy të tjera me ekipin e Tiranës. Golaverazhi është 7-3. Madje, humbja me Laçin 0-3 në “Selman Stërmasi”, solli shkarkimin e Orges Shehi nga ekipi.
Histori tjetër ka qenë në sezonin 2022-2023. Atë kampionat dominonte Tirana. Në katër sfida ka marrë tre fitore dhe një barazim. Bardheblutë kishin golaverashin 11-7, pra çdo takimi është mbyllur me të paktën tre gola të shënuar. Në sezonin kur bardheblutë dolën kampionë 2021-2022, situata ka qenë e balancuar, me një persi golash të shënuar të Tiranës, në 6-3, por fitoret janë nga dy secila skuadër.
Thjesht tani të shohim se si do të jetë sezoni i ri dhe cila do të jetë skuadra që do të fitojë takimin e parë, gjithmonë nëse do të ketë fitues. Si Tirana dhe Laçi kërkojnë që ta nisin mbarë kampionatin në 19 gusht në Kurbin
