Real Madridi është i mbuluar në krahun e djathtë, por Dani Carvajal dhe Lucas Vazquez po shkojnë drejt fazës në rënie të karrierës së tyre dhe për këtë arsye emri i Trent Alexander-Arnold është lidhur shpesh me “Los Blancos”. Kjo vlen më shumë për sezonet e ardhshme sesa për sezonin e ri, që starton këtë fundjavë.
Megjithatë, Michael Owen, sulmuesi që luajti si për Real Madridin, edhe Liverpool, foli për këtë operacion të mundshëm në të ardhmen: “Diçka e ngjashme më ndodhi në atë fazë të karrierës sime dhe vendosa se ishte një mundësi që nuk mund të mos e shfrytëzoja.
Ashtu siç po ndodh me Trent dhe spekulimet për Real Madridin, unë gjithashtu u gjenda në një pozicion gjatë karrierës sime ku më duhej të merrja një vendim të shpejtë. Dhe ishte një vendim i komplikuar. Është e qartë se Real Madridi është aktualisht skuadra më e mirë në Europë. Është skuadra më e madhe në botë, ajo fanellë ikonë dhe lojtarët e saj…, është skena më e mirë në Europë”.
Oëen vazhdoi duke e vënë veten në vendin e lojtarit dhe Liverpool-it: “Ai është shumë i rrënjosur te Liverpool dhe tifozët e duan.
Trent është rritur me klubin dhe ka një lidhje shumë të fortë me ngjyrat e kuqe. Vetëm Real Madridi mund ta bëjë atë të mendojë diçka tjetër, përndryshe ai do të qëndrojë te Liverpool përgjithmonë. Shpresoj që po, por ndoshta do të duhet të marrë një vendim”.
