Luçiano Moxhi shtron letrat për kampionatin në editorialin e tij të përjavshëm për Libero.
Si gjithmonë, ish-këshilltari i Partizanit të Tiranës nuk kursen thumbimet, teksa shpjegon.
“Natyrisht është e nevojshme të përfshihet Interi si favorit kryeso për Serinë A, duke pasur parasysh që ata tashmë kanë kompletuar skuadrën disa kohë më parë duke u përforcuar me Zielinski dhe Taremin.
Për më tepër, zikaltrit mund të shikojnë merkato me kujdes për të parë nëse ndonjë okazion tjetër mund të dalë, qoftë edhe me një çmim të mirë. Në teori, rivalët mund të jenë Milani, Juventusi dhe Napoli, por pasi të kenë ndryshuar trajnerë, ata do të kenë disavantazhin e ndryshimit të përgatitjes, si dhe për të sjellë disa lojtarë të rinj”.
Më pas Moxhi i është rikthyer të kaluarës së tij. Akoma më shumë në detaje analiza e tij për Juventusin.
“Për sa i përket Juventusit, është e vështirë të bësh ndonjë gjykim për momentin. Projekti fillestar është konceptimi i një ekipi të ri dhe të bukur, për të cilin është e detyrueshme shitja e tepricave. Megjithatë, nuk ka asnjë lajm të mirë që vjen as nga fronti i shitjeve, me tepricat ende të gjitha në bordero.
Ndërkohë lufta me Atalantën vazhdon për Kopmainers. Jemi të bindur që në fund Juventusi do të triumfojë, por Perkasi do të mund të ngushëllohet duke arkëtuar një shifër që është e vështirë të arrihet këto ditë (…) Si përfundim, na duket se futbolli milanez mund të mbizotërojë, pasi Juventus dhe Napoli janë aktualisht të pagjykueshme dhe Atalanta është më shumë e lidhur me bilancin sesa me vazhdimësinë e rezultateve”, përfundoi 87-vjeçari.
