Kampioni dhe fituesi i kupës së Maqedonisë së Veriut, Futsal Forca nga Kumanova, me të madhe po përgatitet për ndeshjet eliminatore të UEFA Champions League në futsal.
Kundërshtari i parë i kampionëve të vendit do të jetë kampioni nga Irlanda, FC Blue Magic.
Kjo ndeshje luhet më 21 gusht në palestrën sportive “Jane Sandanski” në Shkup, aty ku tash e disa ditë po përgatitet ekipi kumanovar.
Rivali i dytë është Rangers FC nga Andora (22 gusht), kurse kundërshtari i tretë KMF Titograd, kampion nga Mali i Zi (24 gusht).
Një risi te Forca është se në këto tre ndeshje do të paraqiten me uniforma të reja nga firma e njohur “Jako”, të cilat shpresojmë tu sjellin fat..
