Ernest Muçi ka shënuar golin e parë për këtë sezon me fanellën e Besiktas.
Talenti shqiptar pritet të shitet nga Besiktas të cilët e kanë lënë në stol në sfidat e para të kampionatit.
Por, i duhen vetëm pak minuta për të treguar klasin e tij teksa futet në fushën e lojës në minutën e 88’ dhe në të 5-tën shtesë arrin të tund rrjetën për të likuiduar fitoren 4-2 të bardhezinjve përballë Antalyaspor.
Një vertikalizim fantastik nga Cher Ndour dhe Muçi i vetëm përballë portierit nuk e ka të vështirë të dërgojë topin në fundin e rrjetës.
