Egnatia ia doli ta niste me fitore sezonin e ri teksa mposhti Dinamon në transfertë.
Rrogozhinasit fituan 2-0 falë golave të Dardan Vuthajt dhe Regi Lushkjes.
Pas 90 minutave, trajneri Edlir Tetova dha prononcimin e tij për RTSH Sport.
“Kemi një fraksion jo të mirë në 10-15 minutat e para. Kundërshtari mori masa në markim në mesfushë dhe na ndaloi në daljen e topit. E morëm veten më vonë, ndërsa pjesa e dytë foli për neve.
Sot çaluam në daljet në sulm, sidomos në pjesën e parë. Prurjet e reja s’kanë akoma 100% të vet. Ndërrimet e vona u bënë prej lojtarëve që ende s’janë gati. Egnatia i do lojtarët gati dhe mendoa të rrezikoj duke mbajtur ekipin gjatë pasi nuk ishim keq.
Loja ka situata, mungon kreativiteti. Ne kemi nisur një cikël të ri me lojtarë pak më të rinj në ofensivë. Derisa të jemi në nivel dhe formën e duhur do të shihni një Egnatia ndryshe”, tha Tetova.
