FC Shkupi merr vesh se trajneri i portierëve Matija Mirkov do të drejtoj skuadrën nga Çairi në ndeshjen kundër Vardarit, të dielën, në kuadrin e javës së tretë të Ligës së Parë.
Mirkov ka disa vite që është në stafin e Shkupit dhe e njeh shumë mirë ekipin.
Gjatë ditës së sotme u përfol se Srgjan Zaharievski do të ulet në pankinën e Shkupit, por kryesia e klubit tashmë është përcaktuar për Mirkovin.
Kujtojmë, se gjatë ditës së djeshme kryesia e Shkupit largoi trajnerin Ernest Gjoka pas humbjes nga Gostivari në Shtip, me rezultat 2-0 si dhe barazimin (3-3) kundër Voskës në hapje të kampionatit të ri.
FC Shkupi në dy ndeshje ka grumbulluar vetëm një pikë.
