Padyshim që afrimi më me vlera në merkaton e Besës mbetet kapiteni Mentor Mazrekaj.
Kjo u shfaq edhe në miqësoret e luajtura, ku ai ishte truri i çdo aksioni ofensiv të ekipit.Tashmë në prag të startit të sezonit, ai për herë të parë flet me fanellën verdhezi për miqësoret, gjendjen e grupit, të ardhmen e kësaj Bese dhe padyshim afrimet e fundit.
Si i vlerëson Mazrekaj miqësoret e shumta të Besës, ku nuk munguan as fitoret, barazimet e as humbjet?
"Nëse ka një ekip që i duheshin sa më shumë miqësore, ishte Besa. Mjafton t’u kujtoj se në formacionin bazë janë vetëm 2 lojtarë, Nurja e Spahiu, që ishin edhe vjet pjesë e Besës.
Në këtë kuptim, në miqësore rezultati për ne ishte i fundit pasi kishim shumë dhe ende kemi nevojë të njohim lojën e njëri-tjetrit. Janë lojtarë që vijnë nga shkolla të ndryshme futbolli brenda e jashtë Shqipërisë dhe sfida e miqësoreve ishte kolaudimi i grupit. Ndaj Lushnjës pati më shumë cilësi e harmoni në lojë dhe pjesën e parë mund dhe duhet të shënonim së paku 4 gola, tha Mazrekaj.
