Ylli i Italisë Raoul Bellanova është në prag të transferimit tek Atalanta pasi bergamaskët kanë arritur një marrëveshje me Torinon, sipas Fabrizio Romano-s.
Fabrizio Romano raporton se Atalanta dhe Torino kanë rënë dakord për një marrëveshje prej 20 milionë eurosh plus bonuse.
Mbrojtësi i djathtë italian tashmë ka rënë dakord për kushtet personale me zikaltrit, kështu që ai do t’i nënshtrohet testeve mjekësore në orët në vijim.
Bellanova është lojtari i tretë italian i nënshkruar nga Atalanta në këtë merkato pas Mateo Retegui dhe Marco Brescianini.
Bellanova ishte pjesë e skuadrës së Italisë në EURO 2024, por nuk u përdor nga trajneri Luciano Spalletti, duke i kaluar të katër ndeshjet në stol.
Produkt i Milan Academy, Bellanova ka dy paraqitje me ekipin e parë të Axurrëve.
Sipas Romano-s, Torino do të zëvendësojë Bellanova me lojtarin e Feyenoord, Marcus Pedersen, i cili e kaloi sezonin e fundit në huazim te Sassuolo.
