Start i shkëlqyer i Atalantës në kampionatin e ri të Serie A. Në ndeshjen e parë, skuadra e Gian Piero Gasperini mundi Lecce 4-0 në “Via del Mare”. Pas suksesit në “Europa League”, tani mund të hipotezojmë edhe një protagoniste shtesë për titullin.
Gjatë intervistës së dhënë për “Gazzetta dello Sport”, Arrigo Sacchi komentoi mundësinë që bergamaskët të konkurrojnë për titullin: “Pse jo, është një ekip i kompletuar. Ka një trajner të madh, një strateg në fakt. Po flasim për një klub solid dhe serioz pas tij.
Sigurisht, nëse shikojmë aspektin ekonomik, pra sa para investojnë klubet në merkato, atëherë duhet thënë se Atalanta nuk mund të luftojë për titullin. Sidoqoftë, mbetem i bindur në faktin se sukseset në futboll janë rezultat i planifikimit, qartësisë së projektit dhe lojës. Gasperini? Ai është një mjeshtër i vërtetë. Puna e tij dëshmon se kolektivi del gjithmonë para çdo individi në një skuadër futbolli.
Sigurisht, nëse duam t’i hedhim një ngarkesë të mirë përgjegjësisë Atalantës, le të themi se do të luftojë për titullin. Preferoj që më mirë të qëndrojë në hije dhe të mos tundohet nga të tilla objektiva. Por, duke e njohur Gasperinin, jam i sigurt se nuk do të bie në këtë kurth”.
