Ish-sulmuesi i Manchester United, Dimitar Berbatov, i ka kërkuar Mason Mount të jetë ‘guximtar’ dhe të tregojë aftësinë e tij në fushë. Ai tha se mesfushori ka kualitete, por duhet të marrë më shumë përgjegjësi.
Djajtë e Kuq e morën Mount nga Chelsea për një shumë prej 60 milionë £, duke përfshirë bonuset, në verën e vitit 2023.
Mes problemeve me dëmtimet dhe vështirësisë për të gjetur formën, ai bëri vetëm 20 paraqitje në të gjitha kompeticionet sezonin e kaluar, duke regjistruar një gol dhe një asist.
“Talenti dhe cilësia nuk i mungojnë. Të gjithë e panë atë që ai bëri te Chelsea, por nuk po e bën te Manchester United”, tha Berbatov.
“Bruno Fernandes është një lojtari i ngjashëm, por është një sezon i gjatë dhe ka shumë ndeshje për t’u luajtur, dhe lojtarët kanë nevojë për konkurrencë. Ai mund të bëjë ndryshimin me pasimet dhe depërtimet e tij”.
Berbatov shtoi:
“Dëshira ime e vetme për të është të mos mendojë se ai është i ri dhe se nuk dëshiron të marrë përgjegjësi. Është sezoni i tij i dytë tani dhe ai duhet të ketë një sezon të mirë”.
“Ky është momenti për të treguar sa vlen, kështu që ai duhet të dalë në fushë dhe të jetë i guximshëm. Duhet të provojë dhe të rrezikojë. Ai ka cilësinë, kështu që nuk duhet të ketë frikë”.
Mount doli nga akademia e Chelseat dhe ishte i shkëlqyer për londinezët lëvizjes së tij te Manchester United. Ai kontribuoi me 33 gola dhe 35 asiste në 195 ndeshje te Chelsea.
