Rodri këmbëngul se Arsenali do të sfidojë përsëri Manchester Cityn për titullin e Premier League këtë sezon.
Duke folur për Mail Sport në ceremoninë e çmimeve PFA, mesfushori i Manchester Cityt tha: “Ne e dimë nivelin e ekipit tonë, por gjithashtu e dimë nivelin e ligës dhe konkurrencën.
“Sezonin e kaluar, ne ishim kampionë për shkak të detajeve të vogla, dhe e dimë që duhet të jemi edhe më të mirë për ta fituar përsëri, sepse ekipet e tjera gjithmonë po rrisin nivelin e tyre.”
I pyetur për shanset e Arsenalit, pasi kanë përfunduar të dytët në dy sezonet e fundit pas Man Cityt, Rodri pranoi se mendon se ata do të sfidohen përsëri deri në kufi nga ekipi i Mikel Artetës.
“Ata (Arsenali) kanë bërë shumë mirë,” tha ai. “Do të thosha që janë në të njëjtin nivel me ne dhe sigurisht që do të jenë aty".
