Drita e Gjilanit përkundër angazhimit të madh, nuk ia doli që të kthehet e pamposhtur nga stadiumi “Wojska Polskiego” në Varshavë.
Legia ka shënuar fitore me rezultat 2:0 ndaj Dritës, në takimin e parë të play-off-it të Conference League.
Dritën e penalizoi shumë përjashtimi i mesfushorit ganez Hasan Gomda.
Futbollistët është ndëshkuar me karton të kuq pas një ndërhyrje ndaj lojtarit të Legias në minutën e 29-të.
Drita mbetet pa një futbollist për 61 minuta që ishte një hendikep i madh dhe përparësi e madhe për rivalin.
Në minutën e 32-të, portieri Faton Maloku me vetëmohim të pashoq ka shpëtuar portën e tij duke e dëbuar topin në korne.
Në minutën e 56-të, Blaz Kramer ka shënuar me kokë në pjesën e epërme, ku portieri Maloku nuk pati forcë as që të reagojë.
Në minutën e 84-të, Marc Gual realizoi për 2:0.
]Mbrojtja e Dritës nuk ishte e vendosur si duhet dhe futbollisti i Legia-s e ka shfrytëzuar këtë hapësirë për bukuri.
Megjithatë Drita ka rast të madh që këtë humbje të përmbysin në ndeshjen e kthimit që luhet pas një jave në stadiumin “Fadil Vokrri” në Prishtinë.
