Skuadra e Gjilanit ka mbajtur seancën e fundit stërvitore para duelit ndaj FC Dukagjinit, sfidë e vlefshme për xhiron e tretë në Albi Mall Superligë.
"Në temperature optimale për punë, ekipi është përgatitur në fushën me bari natyral në stadiumin kryesor të qytetit.
Me grupin është bashkuar edhe Oltion Bilalli, i cili kishte një shqetësim muskular, ndërkohë që Aridon Bllaca po vazhdon me procesin e rikuperimit pas lëndimit të cilin e kishte pësuar në fazën përgatitore në Bansko të Bullgarisë.
Për këtë takim gjithë futbollistët e tjerë janë në dispozicion.
Përballja ndërmjet Dukagjinit dhe Gjilanit është planifikuar të zhvillohet të dielen më 25 Gusht në stadiumin “18 Qershori” në Klinë me fillim nga ora 16:00", njofton SC Gjilani.
