Kategoria e Parë “ndez motorët” për sezonin 2024-2025, ku 12 skuadra do të luftojnë për sigurimin e dy biletave direkte për ngjitjen në Kategorinë Superiore, ndërsa nga vendi i tretë deri në të gjashtin shpresojnë te mundësia shtesë përmes raundit “play off”.
Flamurtari është gati për të nisur sot sezonin ndaj Burrelit në Vlorë, në duelin që starton në orën 17:00. Andrea Agostineli debuton sot në stolin e Flamurtarit. Italiani kërkon ta nisë mbarë, madje me fitore përballë Burrelit.
Ndërkohë në krahun tjetër matjanët e Ditmar Bicajt, do të tentojnë surprizën për ta nisur me pikë këtë edicion të ri futbollistikë. Të dy trajnerët kanë hedhur në fushë nga minuta e parë, lojtarët më në formë të momentit. Kjo sfidë transmetohet LIVE në RTSH Sport:
FORMACIONET ZYRTARE:
FLAMURTARI: Frashëri, Hasa, D.Pjeshka, Atanda, Trashi, P.Pjeshka, Batha, Marku, Hoxhaj, Fernando, Shkurtaj. Trajner: A.Agostineli
BURRELI: Dani, Xakaj, Viktor Muriel, Shkalla, Fetaj, Paloka, Zhunior, Hoti, Sikel, Zani, Ferruku. Trajner: D.Bicaj
GJYQTARË: E.Bylykbashi (Elbasan), D.Memelli (Elbasan), A. Topi (Fier)
VAR: D.Maletaj (Tropojë), AVAR: A.Kociaj (Tiranë).
