Vllaznia e Pozheranit po riorganizohet në mënyrën më të mirë, me qëllim që të rikthehen në Ligën e Parë të Kosovës.
Riorganizimi i klubit është mirëpritur edhe nga Federata e Futbollit të Kosovës, me president Agim Ademi.
“FFK mirëpret kryesinë e re të klubit KF Vllaznia!
Kryesia e klubit në krye me kryetarin Halit Alidema u prit në një takim nga kryetari Federatës së Futbollit të Kosovës, Agim Ademi!
Ky takim ishte i rëndësishëm për klubin duke parë periudhën e vështirë qe po kalonte klubi kohëve të fundit. Kryetari Ademi ishte i kënaqur me planet e reja të kryesisë së re të klubit Vllaznia ku edhe ju premtoi mbështetje të madhe si federatë. Ai po ashtu kërkoi që klubi Vllaznia të jetë i sinqertë rreth planeve punuese në vazhdim të klubit KF Vllaznia.
Po ashtu edhe kryetari klubit Alidema është shprehur tejet i kënaqur me pritjen e kreut të federatës, ku kjo përkrahje do të jetë motiv i madh për sfidat qe e presin klubin në vazhdim!
Vlen të theksohet se edhe nga të gjithë dashamirët e futbollit dhe qytetaret e Pozheranit e rrethinës është mirëpritur kryesia e re e klubit në krye me kryetarin Halit Alidema.
Ditët e mira po kthehen për klubin KF Vllaznia!”, ka njoftuar KF Vllaznia.
