Klaus Gjasula ka vendosur të tërhiqet nga futbolli ndërkombëtar. Mesfushori shqiptar luajti ndeshjen e tij të fundit me Shqipërinë në Euro 2024 dhe ka vendosur ta mbyllë me Kombëtaren kuqezi.
34-vjeçari ka zhvilluar 29 ndeshje me fanellën kuqezi duke shënuar edhe 1 gol që do të mbahet mend gjatë nga ai dhe shumë shqiptarë të tjerë. Gjasula ishte heroi i minutës së fundit ndaj Kroacisë duke shënuar golin e barazimit 2-2.
FSHF ka falenderuar Gjasulën për shërbimet e tij dhe vlerëson shembullin që ai ka përcjellë në fushën e lojës me karakterin, grintën, pasionin, dëshirën dhe atdhedashurinë që ka treguar nga vetja e tij.
“Klaus Gjasula, pas #Euro2024, ka vendosur të tërhiqet nga Kombëtarja dhe FSHF e falënderon pafundësisht mesfushorin për kontributin e dhënë në fushë dhe jashtë saj.
Klausi gjithmonë ka qenë një shembull në Kombëtare me angazhimin dhe sjelljen e tij. Faleminderit luftëtar!”- shkruan FSHF.
