Milani ka vendosur të ndërmarrë hapin vendimtar dhe po mbyll marrëveshjen me Romën për Tammu Abraham. Alekis Saelemaekers do të përfshihet në negociatat me verdhekuqtë, ndaj belgu, për këtë arsye largohen sërish nga “kuqezinjtë”, pas sezonit si huazim te Bolonja.
Saelemaekers, në fakt, prej kohësh pëlqehet nga Roma, ashtu si ish-sulmuesi i Çellsit intrigon “Djallin”. Të gjitha detajet e marrëveshjes janë pothuajse të kryera. Në vazhdën e asaj që po ndodh prej disa javësh, Milani dhe Roma kanë arritur një marrëveshje mbi bazën e një operacioni që përfshin shkëmbimin e fanellave midis Abrahamit dhe Saelemaekers.
I pari do të forcojë repartin e avancuar të “kuqezinjve”, duke i ofruar Fonseka-s një “alter ego” të Morata. Anësori belg shton opsionet në krahë (si mbrojtës dhe sulmues) për De Rossin.
Për më tepër, sipas Fabrizio Romano, “kuqezinjtë” do t’i paguajnë Romës një shumë prej 10 milionë eurosh. Fillimisht u duk se ardhja e Abrahamit te Milani mund të varej nga shitja e Joviçit. “Kuqezinjtë”, megjithatë, duke pasur parasysh edhe problemet fizike që ka pësuar Morata, kanë vendosur ta mbyllin gjithsesi akordin me sulmuesin anglez, i cili do të arrijë pavarësisht nga shitja e mundshme e serbit.
Fillimi i kampionatit tregon sesi anglezi tani ka rrëshqitur në hierarkitë e De Rossit. Vetëm një minutë e luajtur mes Kaliarit dhe Empolit, me Dovbik duke i mbyllur atij çdo hapësirë.
