Federico Chiesa ka zgjedhur Liverpoolin.
Pas përfshirjes së kuqezinjve në orët e fundit, dhe darkës mes Giuntolit dhe agjentit të lojtarit, sulmuesi i Juventusit vendosi të transferohej në Angli, duke i dhënë dritën jeshile transferimit. Juventus dhe Liverpool kanë arritur marrëveshje për transferimin e sulmuesit, i cili tashmë është nisur drejt Anglisë gati për të nisur aventurën e re me skuadrën e Arne Slot.
Dy klubet kanë arritur një marrëveshje me një shumë prej 13 milionë euro plus bonuse, me sulmuesin që nënshkruan një kontratë katërvjeçare me një pagë 5 milionë në vit. Chiesa, i cili ka disa kohë që është jashtë projektit të Juventusit, u largua nga Caselle drejt Liverpool-it:
"Jam shumë i lumtur që filloj këtë aventurë të re. Doja t'u them lamtumirë tifozëve të Juventusit: faleminderit për dashurinë për këto vite, unë do ju mbaj në zemrën time”.
“Më vjen keq që largohem nga Juventusi, por jam i lumtur për këtë aventurë të re, familja ime dhe unë mezi presim”, fjalët e tij të para për gazetarët e pranishëm. Largimi i tij, ndoshta i kombinuar me atë të Kostic, do të hapte dyert për një shtesë të re.
