Marcos Alonso mbetet në Spanjë, firmos me Celta Vigon!
Marcos Alonso është një lojtar i ri i Celta Vigos, vetë klubi galician e ka komunikuar këtë, duke njoftuar se mbrojtësi i majtë, i larguar nga Barcelona, ka nënshkruar një kontratë vjetore me opsion për sezonin e ardhshëm.
I rritur tek Atletico Madrid dhe më pas Real Madrid, ku bëri vetëm një paraqitje në ekipin e parë, Alonso krenohet me një përvojë të gjatë nëpër Evropë dhe veçanërisht në Angli ku veshi fanellat e Sunderland (20 paraqitje),
Bolton (46 ndeshje dhe 5 gola) dhe mbi të gjitha Chelsea (212 ndeshje dhe 29 gola) si dhe me Fiorentinën ku luajti 85 ndeshje duke shënuar pesë gola.
