Largimi i Endrit Krasniqit ka bërë që tashmë Shkëndija t’i hapë dyert për Liridon Latifin. Gjithsesi, lufta që ka me Tiranën e ka bllokuar.Palët akoma nuk ka ndarë rrugët me bardheblutë, ndonëse Latifi është një nga ata që i duhet çdo skuadre.
Emri i tij është shumë i njohur për opinionin sportiv shqiptare, pasi i njëjti kishte luajtur më parë me Kombëtaren shqiptare, teksa ishte pjesë e asaj gjenerate të artë të Skënderbeut të Korçës, që kishte bërë bujë në garat europiane.
Latifi aktualisht është pjesë e Tiranës, ndërsa në Shqipëri ka luajtur edhe me Vllazninë dhe Kukësin.
Transferimin e tij të parë në Europë e bëri në Hungari në vitin 2017-të, kur nënshkroi me skuadrën e Akademia Pushkash, teksa kishte luajtur edhe në Moldavi me kampionët e shumëfishtë të Sherif Tiraspol. Të shohim se çfarë do të ndodhë? Nëse palët nuk zgjidhin çështjen deri në 31 dhjetor, lojtari duhet të kthehet te Tirana.
