Skuadra e Tefik Çangës është gati për edicionin e ri të Ligës së Dytë të Kosovës.
Futbollistët e skuadrës nga Tërni do të përballet me Sharrin e Hani të Elezit.
Kjo skuadër pret fitore në hapje të edicionit të ri.
“E diela po afron e bashkë me këtë edhe emocionet e kampionatit te ri.
Jemi në prag të ndeshjes së parë hapëse për ne ku e mirëpresim skuadrën FC Sharri, nga Hani Elezit.
Ju bëjmë thirrje të gjithëve që në orën 17:00, të jemi bashkë në stadium për t’i përkrahur futbollistët tanë, djelmoshat që përfaqësojnë historinë e klubit tonë, këta djem që bartin fanelën e gjithë gjeneratave të dikurshme që me shumë mund e sakrificë mbijetuan dhe na e lan trashëgimi pasionin e madh për futbollin.
Të jemi bashkë për të ndihmuar rrugëtimin e investimeve të mëdha që janë bërë në organizim e në ndërtimin e një skuadre të fortë e tepër konkurruese.
Ju ftojmë për përkrahje sepse këta futbollistë janë vlera e fshatit tonë por edhe gjithë rrethinës afër.
Le ta bëjmë madhështore këtë të diele, le të festojmë së bashku”, njofton FC Tefik Çanga.
