Futbollisti i skuadrës shqiptare Otrant - Olympic, Angjello Rudoviq, beson e shpreson se do të vazhdojnë me formën e mirë në Kampionatin e Malit të Zi.
Otrant – Olympic nga Ulqini është para sfidës së vështirë por shpresojnë të kthehen me pikë nga Podgorica në duel me Buduçnostin, në takimin e javës së gjashtë.
Ndeshja luhet nesër në orën 20.00.
Otrant – Olympic renditet në vend të katërt me 7 pikë e ka 6 më pak se lideri Buduçnosti.
“Për sa i përket ndeshjes, pres një ndeshje cilësore. Buduçnosti po luan shkëlqyeshëm këtë sezon, por mendoj se edhe ne kemi shanset tona.
Ata janë favoritë absolutë, por në futboll kurrë nuk i dihet. Shpresoj për ndonjë surprizë”, tha Rudoviq.
