Armando Broja ishte mes emrave të ftuar nga Sylvinho për ndeshjet e Shqipërisë ndaj Ukrainës dhe Gjeorgjisë, më 7 dhe 10 shtator, të vlefshme për Nations League.
Sulmuesi shqiptar gjithashtu u transferua te Everton në orët e para të mëngjesit të sotëm duke i dhënë fund një sage të gjatë aludimesh për të ardhmen e tij. Huazim 1-vjeçar dhe e drejta e blerjes për 35 milionë euro nga Chelsea.
Megjithatë, pak ditë më parë ai ishte thuajse një lojtar i Ipsëich me të cilët kreu vizitat mjekësore, por dështoi në to për shkak të një problemi në tendinën e akilit. Në Angli, gazetari i njohur Paul Joyce raporton se Broja do të rikthehet të luaj në fushën e blertë në tetor duke prishur planet e Sylvinhos.
Braziliani e ftoi në Kombëtare edhe pse ai është i dëmtuar duke bërë që lista të pësojë të tjera ndryshime. Mbetet të shihet se kush do të jetë zëvendësuesi i sulmuesit teksa jemi të gatshëm për të pritur ndonjë surprizë pasi lista e fundit tregoi që gjithçka mund të ndodhë.
