Thiago Motta doli në konferencë për shtyp, ku prezantoi Juventus-Roma, ndeshje e vlefshme për javën e tretë të Serie A, e është planifikuar për nesër në orën 20:45 në “Allianz Stadium”.
Cilat janë rreziqet kryesore të ndeshjes së nesërme?
Nesër do të përballemi me një ekip të fortë dhe të vendosur. Stadiumi do të jetë i mbushur plot, jemi përgatitur mirë, me entuziazëm dhe përgjegjësi. Jemi gati për të gjitha në fushë, do të jetë një ndeshje e shkëlqyer.
Çfarë kampionati mund të bëni? Diçka rreth Djalo?
Djalò, Kostic dhe Arthur janë pjesë e Juventusit, tregu i transferimeve tani është mbyllur. Përqendrimi maksimal është te Roma. Jam i lumtur me merkaton, sepse kanë ardhur lojtarë të fortë që do të kompletojnë një ekip të fortë. Të rinjtë do të vihen në dispozicion të ekipit, jam shumë i lumtur.
Çfarë ju bën të mendoni se do të jetë një sezon i mrekullueshëm?
Të gjithë djemtë që erdhën, gjithashtu Koopimeners, bënë përpjekje të madhe për të arritur te Juventusi. Po flasim për djem që duhet ta vënë të gjithë talentin e tyre në dispozicion të ekipit, të japin më të mirën e tyre.
Një gjykim për De Rossi?
Ne jemi vetëm në javën e tretë. Daniele pati një fund sezoni të shkuar në nivel shumë të lartë. E njoh mirë, sepse ishim shokë në kombëtare. Ai më mbrojti kur më dhanë të 10-tën në kombëtare. Nesër do të jemi kundërshtarë, por i uroj atij gjithmonë më të mirat.
Çfarë mund të thotë sfida e nesërme?
Ne jemi në javën e tretë të kampionatit, është ndeshje e mirë për t’u luajtur. Duhet të mendojmë për të bërë një paraqitje të mirë.
A do të ndryshoni ndonjë gjë në mbrojtje?
Roma është një ekip me lojtarë të fortë. Ne duhet të mbrohemi si ekip dhe ta kuptojmë mirë momentin e ndeshjes.
Si janë prurjet e reja?
Të gjithë janë në formë. Të gjithë mund të thirren për nesër.
