Portieri i Kosovës U-21, Mustafë Abdullahu largohet nga Tirana dhe rikthehet në futbollin kosovar.
“Panorama Sport” zbulon se Abdullahu do të vijojë karrierën te Malisheva, aty ku një ditë më parë firmosi edhe mesfushori që ka qenë pjesë e Tiranës, Vesel Limaj.
Mësohet se klubi bardheblu e ka transferuar Abdullahun në formë huazimi te Malisheva.
Bëhet fjalë për një huazim me të drejtë blerjeje në fund të sezonit. Abdullahu ka qenë disa ditë në provë edhe te Ipsuiç Taun në Angli, por pa mundur të konkretizojë marrëveshje.
