Sergio Ramos ka shpërndarë foto në rrjetet sociale pas ribashkimit me legjendën dhe ish-shokun e skuadrës së Real Madridit, Toni Kroos.
Gjermani, i cili u tërhoq nga futbolli pas pjesëmarrjes në Euro 2024, i dhuroi Ramos edhe këpucë të firmosura, teksa dyshja shkëmbeu fanellat e kombëtares.
Toni Kroos njoftoi vendimin për të varur këpucët e tij ndërsa sezoni i kaluar ishte ende duke u zhvilluar. Ish-mesfushori i Real Madridit e përfundoi karrierën e tij në klub në mënyrë të shkëlqyer, duke i ndihmuar Los Blancos të fitojnë La Ligan, Champions League dhe Superkupën e Spanjës.
Ndeshja e tij e fundit për Madridin ishte finalja e Champions League kundër Borussia Dortmund, e fituar 2-0 nga skuadra e Ancelotti-t.
Nga ana tjetër, Sergio Ramos ende nuk është tërhequr nga futbolli. 38-vjeçari aktualisht është një lojtar i lirë, pas sezonit që kaloi në klubin e tij të fëmijërisë Sevilla.
Ai ka luajtur 37 ndeshje për ekipin spanjoll në të gjitha kompeticionet, duke shënuar shtatë gola. Megjithatë, ai aktualisht është pa ekip.
Ndërsa po pret të shohë se çfarë do të ndodhë, Ramos ka kaluar pak kohë me Kroos. Ai postoi fotot më poshtë me mbishkrimin:
“Çdo koleksion legjendash thjesht nuk do të ishte i plotë pa një nga më të mëdhenjtë, vëllai im @toni.kr8s. Si lojtar, një 10. Si njeri, një 11. Faleminderit, vëlla. ¡Siempre en mi equipo!”.
Sergio Ramos dhe Toni Kroos ndanë fushën 223 herë te Real Madrid, madje duke kombinuar për 14 gola.
