Donart Ibraimi, sulmuesi i Voska Sport, edhe këtë javë ka gjetur rrjetën e kundërshtarit. Kësaj radhe i ka shënuar gol ekipit të Vardarit në Shkup, ndeshje në të cilin ekipi nga Ohri, ngadhnjeu me rezultatit 3:1.
Në një pronconcim për Open-TV, Ibraimi është shprehur i lumtur me rezultatin e sotëm.
“Arritëm objektivin e javës, morëm 3 pikët në Shkup. Ishim të përgatitur maksimalisht për të gjitha aspektet e lojës, gjithashtu përmbushëm detyrat e trajnerit dhe mendoj se e merituam fitoren”, tha Ibraimi.
Ai foli edhe për golin e shënuar sot: “Mendoj se ishte gol i rëndësishëm, pasi që zhbllokova shifrat në ato minuta dhe ekipi ynë avancoi 1me0. Goli më jep shtytje dhe vetbesim që të vazhdoj të shënoj e asistoj edhe në ndeshjet e ardhshme!”.
