Korabi u mposht nga Besa me rezultatin minimal 1-0 në transfertë. Eurogoli i Mazrekajt shtangu dibranët që largohen pa pikë nga Rrogozhina. Në fund të sfidës, trajneri Agim Canaj dha prononcimin e tij për RTSH Sport.
“Kërkonim pikën pasi vinim në një ndeshje jot ë mirë me Lushnjen. Kemi një grup lojtarësh të rinj duke ardhur 5-6 të tjerë. Këto ndryshime na kanë sdestabilizuar pak në sulm. Kemi 2 lojtarë të rinj. Besa u mbrojt mirë dhe ka lojtarë shumë të mirë. Na rrezikuan vetëm me goditje nga distance.
Në pjesën e dytë menduam të rrisim ritmin. Besa u bë më pak e rrezikshme dhe aty kur menduam se do t’i godisnim erdhi ai eurogol. Këto gola vijnë rrallë në kampionat. Lojtarë të tillë si Mazrekaj kanë atë cilësi që nuk kanë energji në 90 minuta, por kanë këto goditje që dallohen edhe në Superiore
Shumicën e kohës i bllokuam, pork y është futbolli. Mbase nuk kemi cilësinë e viteve të kaluara, por kemi lojtarë që ende s’kanë ardhur në nivelin që kanë. Ky është kontigjenti jonë dhe do të bëjmë maksimumin. Futbolli ndahet nga episode dhe Besa ishte më konkrete.
Besa meritoi fitoren me atë eurogol. 4-5 na duhen për të marrë veten e të kemi fizionomi loje. Mungesa e Markut është minus për ne pasi është lojtar me eksperiencë dhe shënon gola. Unë besoj se do të jemi më të plotë në vazhdimësi.
Sot u munduam të merrnim pikën, deri diku kjo ishte mënyra duke shpenzuar shumë në mbrojtje, ndërsa në sulm lamë shumë për të dëshiruar”, tha Canaj.
